Basic HTML Version
116
Ералиева, жыршы, термеші Алмас Алматов, Америка, Түркия
елдерінде өнер көрсетіп қайтқан термеші, жырау Эльмира Жа-
ңабергенова, Қарақалпақ еліндегі бауырымыз Өсербай жы-
раулардан жазылған сапалы таспаларымыз жақсы сұраныспен
өтуде. Біздің түпнұсқа таспаларымызды əнші, жыршылардың
баспаханада əзірленген фотосуреттері арқылы анықтауға бола-
ды (ол таспа қорабына салынған). Сын-ескертпелер үшін теле-
фон нөміріміз де қоса жазылған.
«Мəлике» шығармашылық тобының қазақ əндерін ғана
емес. Балаларға арналған қазақ ертегілері мен дін хадистерін,
аяттарды, батырлар жырын таспаға бастырып тарату ниеті де
бар екен. Бұлар да халқымызға қажет, сұранымға ие дүниелер
деп ойлаймыз. Елімізге белгілі болған фирма басшылары мен
бизнесмендеріміз пайда табу жолдарын ғана ойлап, шетелдік
жұлдыздарға шашылып-төгіле бермей, бірауық өз ұлтының
да қамын жеп, əлгіндей іс-шараларға қаржылай көмектесіп,
игілікті істің ұйытқысы болса, ел алдындағы қасиетті борышын
өтегендігі болар еді. Бұл істердің өзіміздегі өнер адамдарының
да жағдайларын жақсартары даусыз.
Еліміздің Мəдениет департаменті «Бизнестің адамдарымен
бас қатырар жағдай жоқ» деген сыңай білдірмей, бұл салаға да
мемлекеттік деңгейде көңіл бөлсе, ұтыла қоймас еді. Көшедегі
таспаны заңсыз сатып, оңай олжаға кенеліп жүрген алаяқтар
қатары сирексіп, түскен қаржы да өз орнын табады. Бұл орай-
да ақын, сазгер, əншілер мен жаңадан құрылған Авторлық құ-
қық қорғау қоғамы атқарар іс-шаралар жетіп артылады. Ал
«Мəлике» сынды дыбыс жазуы шығармашылық топтары бұл
жерде үлкен дəнекерлік рөлге ие болуы тиіс. Сонда ғана ру-
хани лəззат аларлық, тəлім-тəрбиелік мəні бар таза жазылған
заңды таспаларды тыңдауға мүмкіндік туады.
«Түркістан» газеті, 18.12.1997 жыл